عمرو أحمد

“من اول محاضرة وحسيت بفرق شاسع وعلم كبير كان غايب عني “

انا بصراحه قبل الكورس اللي أخدته مع الدكتور احمد شفيق ربنا يبارك مكنتش اعرف يعني ايه مقام ولا مساحه صوت ولا يعني ايه قرار وايه هو الجواب وحاجات كتير مكنتش اعرف عنها حاجه خالص انا كنت بسمع عن المقامات بس كوني اعرف حتي اساميهم مكنتش اعرفهم. وكنت بقرأ بطريقه واحده دائما في صلاتي ومكنتش اعرف بأي مقام كنت بقرأ 🤷🏽‍♂️. بس قولت انا لازم اعرف اكتر عن المقامات واتعلم فتحت اليوتيوب وبدأت ابحث وادور واسمع بس طبعا مكنتش فاهم لقيت الموضوع صعب بالاخص لواحد مش عارف حاجه ولا حتي عنده فكره عن الموضوع. فقلت لازم اشوف مدرب واتعلم واحضر كورسات

لحد ما ربنا كرمني وشوفت فديوهات الدكتور احمد وطريقه شرحه المميزه فقلت هو دا. والحمد لم يخيب ظني وسافرت القاهره طبعا حجزت الاول عن طريق النت. ورحت هناك والله من اول محاضرة وحسيت بفرق شاسع وعلم كبير كان غايب عني وقلت ازاي اني مفكرتش من بدري اني اتعلم بس الحمد لله ملحوقه وبصراحه استفدت كتيير واتعلمت كتيير وعرفت افرق بين المقامات وعرفت كمان أأديها باحترافيه وعرفت لما اسمع افرق وحاجات كتيير الحمد لله ربنا يباركه وينفع بعلمه

لان شرحه بصراحه متميز وقوي وبيعرف ازاي يوصلك المعلومه صح في وقت قصير💪