“أشعر معه بالإخلاص و كأنها رسالة يؤمن بها و يؤديها”
الكورس اللي درسته كان في المقامات الثمانية الاساسية بصراحة نقلني نقلة تانية و حطني علي الطريق الصحيح و خلاني اغير الصورة عن المقامات و الموسيقي إلى الصورة الحقيقة و اداني الادوات اللي اقدر استخدمها فعلا لتغيير الصوت للافضل و تنمية الموهبة لتصبح موهبة نافذة حقيقة و دا على حسب المجهود و الطاقة المبذولة في الاتجاه الصحيح .. لان الكورس بيعرف طبيعة صوتك و المساحة الصوتية ليك و الاداء اللي ممكن تطلعه من صوتك و احسن صورة ليك للاداء الموسيقي بالفهم و التطبيق العملي و اللي بالفهم قدرت اعرف ان الموضوع محتاج وقت و مجهود و شغل و هتقدر تحقق اللي نفسك فيه بإذن الله و الحقيقة الدكتور احمد بيبذل معانا مجهود كبير جدا في التدريب و بيعيد و يزيد لحد ما يخلي صوتك يتظبط و يمشي مع المقامات الصوتية و الاداء الموسيقي السليم .. مجهود كبير جدا منه و الحقيقة اشعر معه بالإخلاص و كانها رسالة يؤمن بها و يؤديها اسال الله ان يجعلها جميعا في ميزان حسناته و ان يرتقي بهذا الشباب ارتقاءا إلى الافضل في الجانب الموسيقي السليم الذي يوظف لاداء رسالة و معاني القرآن اداءا سليما يحفظ له هيبته و جلاله و هدفه الذي انزل من اجله : كما قال : ليدبروا آياته و ليتذكر أولوا الألباب
